Бугарија станува пионер во енергетското складирање со поддршка од глобалниот лидер Ѕungrоw

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија станува пионер во енергетското складирање со поддршка од глобалниот лидер Ѕungrоw

31 јули 2025

• од Станча Јаќимовски

Компаниите Ѕunоtес и Ѕungrоw започнуваат едно од најмасовните и најзначајни партнерства за складирање на енергија во Европа, со фокус на реализација токму во Бугарија. Оваа стратешка соработка има за цел да ја унапреди енергетската стабилност во регионот и да го поддржи преминот кон чисти извори на енергија преку изградба на инфраструктура за складирање енергија.

Ѕunоtес, водечки европски снабдувач на интегрирани фотоволтаични решенија со бугарски корени, заедно со Ѕungrоw, глобален лидер во инверторски технологии и батериски системи за складирање енергија, потпишаа стратешко спогодување за интеграција на системи со вкупен капацитет од 2,4 GWh, кои ќе се инсталираат во рамки на повеќе проекти низ Европа – со посебен акцент на неколку големи инсталации во самата Бугарија.

Бугарија како клучна точка на енергетскиот преод

Дел од овие проекти ќе бидат финансирани преку бугарската национална програма RESTORE, со што Бугарија ќе стане домаќин на првиот BESS проект (батериски систем за складирање на енергија) во земјата со учество на компанијата Ѕungrоw од Кина.

Ѕungrоw ќе обезбеди технолошки напредни решенија – системот PowerTitan 2.0, заедно со инверторите SG350HX-20 и МVС, кои ќе се користат во хибридни соларни проекти. Со ова, Бугарија не само што станува лидер во регионот во примена на современи технологии, туку и важен фактор во европскиот енергетски преод.

„Глобалниот енергетски преод не зависи само од тоа колку обновлива енергија произведуваме, туку и од тоа колку интелигентно ја управуваме и ја складираме,“ изјави Калоян Величков, извршен директор на Ѕunоtес. „Партнерството со Ѕungrоw е доказ за нашата амбиција да ја водиме следната фаза во развојот на чиста енергија, особено тука, во нашата земја – Бугарија.“

Стабилност за електричната мрежа и поддршка за бугарските соларни проекти

Системите за складирање со капацитет од 2,4 GWh ќе играат клучна улога во стабилизирањето на бугарската електроенергетска мрежа, подобрувањето на интеграцијата на обновливите извори и зголемување на сигурноста и доверливоста на соларните проекти реализирани од Ѕunоtес.

„Ова е клучен момент во нашата мисија да го забрзаме преминот кон чиста енергија – и Бугарија има централна улога во тоа,“ изјави и Анастасиос Гкинис, регионален директор на Ѕungrоw за Централна и Источна Европа.

Соработката меѓу Ѕunоtес и Ѕungrоw ја позиционира Бугарија како иновативен центар за енергетска технологија во регионот, со огромен потенцијал за идни инвестиции, развој и одржлива енергетска независност.