Европскиот парламент предлага построги правила за заштита на кучињата и мачките во ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Европскиот парламент предлага построги правила за заштита на кучињата и мачките во ЕУ

19 јуни 2025

• од Станча Јаќимовски

Европскиот парламент усвои со убедливо мнозинство нацрт-закон што поставува први минимални стандарди на ниво на Европската унија за хумано постапување со кучињата и мачките. Овие нови правила имаат за цел да го подобрат благосостојбата на домашните миленици, како и да ја ограничат нелегалната трговија и неодговорното размножување.

Со 457 гласови „за“, 17 „против“ и 86 „воздржани“, европратениците дадоа зелено светло за следниве предлози:

Задолжително микрочипирање и регистрација на сите кучиња и мачки кои се одгледуваат во ЕУ.
Креирање на заедничка база на податоци, под надлежност на Европската комисија, која ќе ги содржи идентификациските броеви и врските со националните регистри.
Забрана за продажба на кучиња и мачки во зоомагазини низ територијата на Унијата.
Проширување на правилата за увоз, кои ќе ги опфатат и животните внесени со некомерцијална цел, со задолжителна претходна регистрација пред пристигнување во ЕУ.
Забрана за инбридинг, односно размножување меѓу блиски роднини, како и употреба на животни со сериозни анатомски деформитети на изложби или натпревари.
Ограничување на користењето на штетни средства, како што се гушачки или бодликави огрлици.

Известувачката Вероника Вреционова (ЕКР, Чешка) истакна дека ова е „јасен сигнал против нелегалното размножување и неодговорниот увоз на животни од земји надвор од ЕУ“, нагласувајќи ја потребата од заштита на благосостојбата на милениците и подготвеноста на Парламентот за продуктивни преговори со Комисијата и Советот.

Следниот чекор е започнување на тристрани преговори меѓу Европскиот парламент, Европската комисија и Советот на ЕУ, со цел конечно усвојување на законодавниот акт.

Според податоците на Европската комисија, трговијата со кучиња и мачки во ЕУ изнесува околу 1,3 милијарди евра годишно, при што 60% од продажбите се одвиваат преку интернет. Во моментов, недостатокот на заеднички минимални стандарди го отежнува следењето на потеклото и условите во кои се одгледуваат животните.

Околу 44% од граѓаните на ЕУ поседуваат домашно милениче, што ја нагласува важноста на оваа иницијатива, оценета како клучен чекор кон поетичен и транспарентен однос кон животните во Европа.