Форумот во Давос поскап од кога било: ноќевање и до 3.000 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Форумот во Давос поскап од кога било: ноќевање и до 3.000 евра

19 јануари 2026

• од Тодор Вангелов

Давос, швајцарскиот алпски град каде што се одржува годишниот состанок на World Economic Forum според Euronews, годинава бележи рекордно високи цени — не само за сместување, туку и за вкупните трошоци за присуство.

Градот е преполн со политички лидери, директори на големи компании, инвеститори и нивни тимови. Поради ограничениот број хотели и апартмани, цените за престој нагло растат. Хотелска соба може да чини и до 3.000 евра по ноќ. Двособен стан најчесто се изнајмува за околу 30.000 евра за целата недела, додека луксузните планински вили достигнуваат од 100.000 до 200.000 евра.

За приватните компании, присуството во Давос е голем финансиски потфат. Самото учество на форумот чини десетици илјади евра, а за поголемите компании и членство или спонзорство може да надмине 100.000 евра годишно. На ова се додаваат трошоци за сместување, превоз, безбедност и организација на состаноци. За еден директор и мал тим, вкупната сума лесно може да достигне неколку стотици илјади евра.

Компаниите, сепак, го оправдуваат овој трошок со можноста за директен контакт со светски лидери, нови деловни договори и глобална видливост.

За државните делегации, трошокот обично го покрива буџетот на државата. Иако државите не плаќаат како приватни компании за учество, тие имаат значителни други трошоци: сместување по високи цени, патување, обезбедување и логистика за министрите и нивните тимови.

Во зависност од големината на делегацијата, вкупниот трошок за една држава може да се движи од десетици до стотици илјади евра. За помалите земји, ова често отвора прашања за оправданоста на ваквите трошоци.