Изгореле канцеларии на српското обвинителство каде се чувал предметот „Настрешница“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Изгореле канцеларии на српското обвинителство каде се чувал предметот „Настрешница“

22 јануари 2026

• од Станча Јаќимовски

Неколку канцеларии на Јавното обвинителство за организиран криминал (ЈТОК), сместени на горниот кат од зградата на Специјалниот суд на улицата Устаничка во Белград, беа оштетени во пожар кој избувна во текот на денот. Меѓу просториите зафатени од огнот била и канцеларијата на обвинител кој работи на финансиската истрага во случајот „Настрешница“.

Порталот Nova.rs објави фотографии од местото на настанот, на кои се гледаат целосно изгорени простории и уништена опрема. Сепак, според првичните информации, вработените успеале навреме да ги евакуираат предметите и документацијата, со што е спречена поголема штета.

Како што наведуваат српските медиуми, пожарот започнал на таванот од една од канцелариите на горниот кат. Благодарение на брзата реакција на обвинителите, судските чувари и останатите вработени, досиејата што се наоѓале во загрозените простории биле брзо изнесени и спасени од огнот.

Покрај предметот „Настрешница“, меѓу спасените случаи се наоѓа и истрагата против Милорад Грчиќ, поранешен вршител на должност директор на ЕПС. Засега не е познато што точно го предизвикало пожарот, а истрагата ја презеде Вишото јавно обвинителство во Белград.

Во јавноста се појавија и шпекулации дека пожарот зафатил и документација поврзана со случајот „Генералштаб“, но од Nova.rs пренесуваат дека обвинителот задолжен за тој предмет нема канцеларија на горниот кат каде што избувнал пожарот, па тие наводи биле демантирани.

Истрагата за причините за пожарот е во тек, а надлежните институции најавуваат дека јавноста ќе биде дополнително информирана штом бидат утврдени сите околности.