Макрон: Единството на Европа го натера Трамп да се повлече околу Гренланд

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Макрон: Единството на Европа го натера Трамп да се повлече околу Гренланд

23 јануари 2026

• од Станча Јаќимовски

Францускиот претседател Емануел Макрон изјави дека единствената и решителна реакција на Европа имала клучно влијание врз одлуката на американскиот претседател Доналд Трамп да се откаже од заканите поврзани со Гренланд. Изјавата Макрон ја даде при пристигнувањето на самитот на Европската унија во Брисел.

„Кога Европа реагира на закани со единство и ги користи инструментите што ги има на располагање, таа може да наметне почит“, нагласи Макрон. Тој додаде дека ситуацијата сега изгледа „многу поприфатлива“, иако, како што рече, европските лидери и понатаму остануваат внимателни.

Во меѓувреме, Данска порача дека е подготвена за конструктивен дијалог со своите сојузници околу Гренланд и безбедноста на Арктикот, но исклучиво со целосно почитување на својот суверенитет. Данската премиерка Мете Фредериксен, цитирана од Франс прес, изјави дека Копенхаген е отворен за разговори за сите политички аспекти, вклучувајќи безбедност, инвестиции и економија.

„Можеме да преговараме за многу прашања, но не и за нашиот суверенитет“, подвлече Фредериксен.

Трамп вчера, на маргините на Светскиот економски форум во Давос, се откажа од претходните закани за воведување царини кон европските земји кои се спротивставија на неговите намери за воспоставување контрола врз Гренланд. Според „Ројтерс“, американскиот претседател изјавил дека е постигнат напредок во надминувањето на спорот околу полуавтономната данска територија.

По средбата со генералниот секретар на НАТО Марк Руте, Трамп оцени дека е можно да се постигне договор за Гренланд, па дури и зборуваше за „рамка на спогодба“, иако конкретни детали не беа објавени. Тој тврдеше дека САД добиле „сѐ што сакале“.

Фредериксен, пак, појасни дека НАТО добро ја знае позицијата на Данска и дека во разговорите што ги водел Руте не било отворено прашањето за данскиот суверенитет. Таа истакна дека безбедноста на Арктикот е заедничко прашање за целиот сојуз НАТО, поради што е логично таа тема да се разгледува и на највисоко ниво меѓу Алијансата и САД.

Данскиот министер за надворешни работи Ларс Леке Расмусен изјави дека повторно се отворила можност за реални преговори меѓу Данска и Гренланд, од една страна, и САД, од друга. Тој потсети дека за време на Студената војна САД одржувале 17 воени бази и објекти во Гренланд со околу 10.000 војници, додека денес е активна само една база.

„Сметаме дека е добра идеја да се зајакне ангажманот во рамките на НАТО за да се обезбеди попостојано присуство на Алијансата не само во Гренланд, туку и пошироко на Арктикот“, изјави Расмусен, додавајќи дека таквиот пристап е во согласност и со ставовите на американскиот претседател.