Мецола ѝ се обрати на Бугарија на бугарски: Ја примаме Бугарија во нашето евро семејство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Мецола ѝ се обрати на Бугарија на бугарски: Ја примаме Бугарија во нашето евро семејство

19 јануари 2026

• од Станча Јаќимовски

Претседателката на Европскиот парламент, Роберта Мецола, денеска го отвори пленарното заседание со обраќање посветено на значајни европски настани и годишнини, ставајќи акцент на солидарноста, единството и заедничките европски вредности.

На почетокот на седницата, Мецола се осврна на влезот на Бугарија во еврозоната, оценувајќи го како горд момент и за земјата и за Европската унија во целина. Таа истакна дека еврото веќе го олеснува секојдневниот живот, придонесува за поголема економска сигурност и отвора нови можности за граѓаните и за бизнисите.
„Ова собрание топло ја прима Бугарија во евро-семејството“, изјави Мецола, завршувајќи го обраќањето на бугарски јазик со зборовите: „честото и добре дошли“.

Исто така, Европскиот парламент одржа минута молк во знак на почит кон жртвите на трагичниот пожар во Швајцарија и на тешката железничка несреќа во Шпанија. Претседателката изрази сочувство до семејствата на загинатите и солидарност со сите погодени од трагедиите.

Мецола се осврна и на одбележувањето на 35 години од борбата за независност и демократија на балтичките држави, потсетувајќи на историските настани од 1991 година. Таа нагласи дека патот на Естонија, Летонија и Литванија кон слобода и европска интеграција претставува силен симбол на отпорност, демократска волја и определба кон европските вредности.

Со овие пораки, пленарното заседание беше отворено во атмосфера на почит, заедништво и потврда на континуираната посветеност кон европскиот проект.