Меркел: Се надевам дека Украина ќе победи, а не Путин

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Меркел: Се надевам дека Украина ќе победи, а не Путин

28 ноември 2025

• од Станча Јаќимовски

Поранешната германска канцеларка Ангела Меркел изрази надеж дека војната во Украина нема да заврши со победа на рускиот претседател Владимир Путин и оцени дека нејзината долгогодишна политика кон Русија била исправна.

Во интервју за германскиот телевизиски канал „Фокус“, Меркел нагласи дека оние кои се одговорни денес мора да го прифатат фактот дека агресијата врз Украина се случи и дека главен приоритет сега е да се најде начин како конфликтот да се заврши, без Русија да излезе како победник.

„Интензивно работиме на тоа да не победи Русија, туку да постои суверена и слободна Украина која може сама да носи одлуки за својата иднина,“ истакна таа.

Меркел додаде дека уште од 2008 година била свесна за „сериозната опасност“ од постапките на Путин, сметајќи дека со одредена доза на агресивност и голема упорност се обидувал да ја прошири руската сфера на влијание. Според неа, од 2000 година — откако Путин стана претседател — во украинската историја се бележат повеќе обиди за директно мешање и влијание од страна на Русија.

Таа се осврна и на самитот на НАТО во Букурешт во 2008 година, опишувајќи ја одлуката за можното доделување на Акциски план за членство на Украина и Грузија како „многу контроверзна“. Како што истакна, токму во периодот што следел, Путин ја нападна Грузија, а тогашниот американски претседател Џорџ Буш одби да ѝ даде воена помош на Тбилиси.

Осврнувајќи се на мировните процеси, Меркел оцени дека договорите од Минск по 2014 година ѝ обезбедиле драгоцено време на Украина за делумно зајакнување на својата воена подготвеност, иако тоа не било доволно за да се спречи руската инвазија.

„Никој, ниту јас ниту некој друг, не можеше да ја запре оваа војна. Не успеавме, но обидите да се спречи инвазијата не беа погрешни,“ рече Меркел.

Таа зборуваше и за енергетската политика на Германија, посочувајќи дека проектот „Северен тек 2“ во тоа време имал многу оправдани економски и политички причини, меѓу кои и ниските цени на енергијата и стабилното енергетско снабдување. Меркел потсети дека во 2021 година, таа и Џозеф Бајден постигнале политички договор дека ако гасоводот се користи за уцена, тој ќе биде „политички спречен“ — и подвлече дека истиот никогаш не беше ставен во официјална употреба.

Според неа, во иднина е неопходно да се зголемат воените трошоци и буџетот за одбрана, но и да се задржи важноста на дипломатијата, како паралелен и неопходен процес во решавањето на конфликтите.

Ангела Меркел ја водеше Германија 16 години, од 2005 до 2021 година, станувајќи првата жена канцелар во историјата на државата.