МНР на Бугарија: Загриженост за правата на бугарската заедница во Северна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

МНР на Бугарија: Загриженост за правата на бугарската заедница во Северна Македонија

01 април 2026

• од Станча Јаќимовски

Организации на бугарската заедница во Северна Македонија објавија официјално писмо во врска со ревидираниот нацрт на Планот за акција за заштита на правата на лицата кои припаѓаат на малцинства и заедници, подготвен од владата на земјата. Овој документ претставува клучен дел од европските обврски на државата во рамки на процесот на пристапување кон Европска Унија.

Планот за акција е составен дел од Европскиот консензус од 2022 година, а неговата имплементација ќе се следи во текот на целиот преговарачки процес за идно членство на Северна Македонија во ЕУ. Во контекст на очекуваните уставни измени, со кои Бугарите треба формално да бидат признаени како заедница со гарантирани граѓански права, овој документ треба да обезбеди нивна реална и ефективна заштита.

Во својата позиција, претставниците на бугарската заедница изразуваат сериозна загриженост дека нивните забелешки и предлози доставени во декември 2025 година не се соодветно вградени во ревидираниот текст. Според нив, предложениот План не ги адресира суштинските проблеми со кои се соочуваат, ниту пак нуди ефикасни механизми за нивно надминување.

Меѓу клучните забелешки се наведуваат постоење на системски институционален притисок, нееднаква примена на законите, ограничувања на правото на самоопределување и слободата на здружување, како и недоволна заштита од дискриминација и политички мотивирани злосторства од омраза.

Министерство за надворешни работи на Бугарија ја поддржа оваа позиција, нагласувајќи дека барањата на бугарската заедница се легитимни. Од таму упатија повик до властите во Северна Македонија да ги земат предвид овие реакции и да ги исполнат преземените обврски кон ЕУ и кон Бугарија.

Воедно, од бугарското МНР истакнуваат дека е неопходен искрен и доследен ангажман за воспоставување сигурен, ефикасен и одржлив систем за заштита на човековите права. Само на тој начин, според нив, Северна Македонија ќе може да обезбеди широка и консензусна поддршка за својот европски пат.