НАТО загрижено поради зголемената соработка меѓу Русија и Кина на Арктикот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

НАТО загрижено поради зголемената соработка меѓу Русија и Кина на Арктикот

23 јануари 2026

• од Станча Јаќимовски

НАТО изрази загриженост поради засилената соработка меѓу Русија и Кина во арктичкиот регион. Ова го изјави врховниот командант на силите на Алијансата во Европа, генерал Алексус Гринкевич, во изјава пренесена од Ројтерс.

Според Гринкевич, во последните неколку години е забележливо зголемување на заедничките активности на двете држави, како во поморската, така и во воздушната сфера. Тој посочи дека се реализираат зголемени заеднички поморски патроли, како и координирани летови на бомбардери со долг дострел, што претставува нов безбедносен предизвик за Алијансата.

„Постојано се обидуваме да ја подобриме нашата позиција и размислуваме за начини на кои државите можат да ја зајакнат својата присутност и подготвеност на Арктикот“, истакна Гринкевич, додавајќи дека регионот станува сè поважен од стратешка гледна точка.

Во меѓувреме, претседателот на САД, Доналд Трамп, вчера се повлече од претходните закани за воведување царини како средство за притисок за преземање на Гренланд. Тој ја исклучи можноста за употреба на сила и изјави дека на повидок е договор за решавање на спорот околу данската територија.

Од Алијансата соопштија дека сè уште очекуваат насоки во врска со евентуален договор за статусот на Гренланд. Ова го потврди и адмирал Џузепе Каво Драгоне, кој нагласи дека НАТО внимателно ја следи ситуацијата и ќе ги усогласи своите чекори со одлуките на земјите членки.