Трамп го формира ‘Советот за мир’: Бугарин ќе ја води транзицијата во Газа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп го формира ‘Советот за мир’: Бугарин ќе ја води транзицијата во Газа

17 јануари 2026

• од Станча Јаќимовски

Администрацијата на американскиот претседател Доналд Трамп објави формирање на нов „Совет за мир“ за Појасот Газа, кој ќе ги предводи процесите на реконструкција и стабилизација на територијата. Во составот на советот ќе учествуваат истакнати меѓународни и регионални личности, меѓу кои поранешниот премиер на Обединетото Кралство Тони Блер, специјалниот пратеник на Трамп за Блискиот Исток Стив Виткоф, како и зетот на претседателот Џаред Кушнер. За врховен претставник за Газа е назначен бугарскиот политичар и поранешен пратеник на ОН за Блискиот Исток Николај Младенов.

Соопштението дојде од Белата куќа, која појасни дека Трамп ќе биде претседател на советот, како дел од неговиот план од 20 точки за прекин на војната меѓу Израел и Хамас. Основната цел е воспоставување привремена управа во Газа и нејзина обнова, при што советот ќе ги координира напорите за стабилизација и долгорочен развој на регионот.

Меѓу членовите на советот се и Марк Роуан, раководител на инвестициски фонд, претседателот на Светска банка Аџај Банга, како и советникот за национална безбедност на САД Роберт Гејбриел. Секој од нив ќе биде задолжен за ресор клучен за стабилизирањето на Газа.

Трамп го опиша советот како „најголемиот и најпрестижниот совет некогаш формиран“ и најави дека во наредните недели ќе бидат објавени уште членови. Американскиот план вклучува и распоредување меѓународна стабилизациска сила во Газа, која ќе обучува и ќе ги поддржува палестинските полициски сили, под водство на американски генерал.

Во рамки на напорите за обнова, во Газа ќе функционира и палестински технократски орган – Национален комитет за управување (NCAG), предводен од поранешниот заменик-министер во Палестинската автономија Али Шаат. Овој комитет ќе биде одговорен за секојдневното управување, паралелно со распоредувањето меѓународна сила за поддршка и обука на палестинските безбедносни структури.

Планот на Трамп предвидува и демонтирање на вооружените групи како Хамас, при што втората фаза од стратегијата ќе опфати реконструкција и целосна демилитаризација на Газа. Сепак, примирјето останува кревко, а двете страни меѓусебно се обвинуваат за бројни прекршувања.