Војната со Иран може да трае „четири недели или помалку“ додека продолжуваат американско-израелските напади

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Војната со Иран може да трае „четири недели или помалку“ додека продолжуваат американско-израелските напади

02 март 2026

• од Гоце Кически

Претседателот на САД, Доналд Трамп, изјави дека војната со Иран би можела да трае „четири недели или помалку“, додека американските и израелските сили ги продолжуваат воздушните напади врз цели во Иран, по обемните одмазднички удари на Техеран врз држави од Персискиот Залив, Израел и американски цели на Блискиот Исток.

Говорејќи пред новинарите доцна во неделата, Трамп оцени дека конфликтот се одвива според планираното времетраење.

„Отсекогаш беше процес од четири недели. Колку и да е силно, тоа е голема земја; ќе бидат потребни четири недели – или помалку“, изјави Трамп.

Тој додаде дека операциите се одвиваат „според планот“, нагласувајќи дека резултатите ги надминале првичните очекувања на Вашингтон.

„Мислам дека оди според планот, освен што го елиминиравме нивното целокупно раководство – многу, многу повеќе отколку што очекувавме“, рече Трамп, тврдејќи дека вкупно 48 високи ирански лидери биле убиени во досегашните напади.

Во понеделникот конфликтот влезе во третиот ден, при што американски и израелски авиони продолжија со нападите врз стратешки цели во Иран. Заедничката операција во саботата, според официјалните извори, резултирала со смртта на иранскиот ајатолах Али Хамнеи, како и на десетици високи команданти на иранскиот режим.

Во меѓувреме, Техеран возврати со ракетни и беспилотни напади насочени кон држави од Персискиот Залив, како и кон израелски и американски позиции во регионот, што дополнително ја продлабочи ескалацијата и ја зголеми загриженоста од поширок регионален конфликт.