Зеленски побара санкции против рускиот енергетски сектор по нападите врз Одеса и Харков

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски побара санкции против рускиот енергетски сектор по нападите врз Одеса и Харков

20 јуни 2025

• од Станча Јаќимовски

По масовните руски напади врз украинските градови Одеса и Харков, претседателот на Украина, Володимир Зеленски, упати повик до земјите-членки на Г7 да воведат строги санкции против рускиот енергетски сектор и т.н. „сенчест флот“, пренесува Би-Би-Си.

„Во текот на ноќта Русите започнаа масовен напад врз Одеса, Харков и нивните предградија со повеќе од 20 ударни дронови. При нападите беа повредени околу 20 лица, меѓу кои и две девојчиња на возраст од 12 и 17 години, како и тројца припадници на Државната служба за итни случаи. За жал, потврдено е дека едно лице загина во Одеса“, соопшти Зеленски.

Претседателот нагласи дека вкупно 86 дронови биле испратени врз Украина во текот на ноќта, што довело до големи штети врз станбени објекти, мали бизниси, цивилна инфраструктура и возила.

„Русија продолжува со својата тактика на целен терор врз нашиот народ. Токму поради оваа тактика, неопходен е силен одговор кој значително ќе влијае врз цела Русија и нејзината способност да ја продолжи војната“, изјави Зеленски.

Овој повик доаѓа во контекст на продолжените напади и зголемената загриженост за безбедноста на цивилното население во Украина, додека Западот сè повеќе размислува за заострување на економскиот притисок врз Москва.