Судија фатен со фалсификат оценки ја намали казната за убиецот на Теодора

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Судија фатен со фалсификат оценки ја намали казната за убиецот на Теодора

07 април 2025

• од Вардарски

Судијата Ељведин Ферати – истиот кој беше фатен како си ги поправа оценките на Државниот тетовски универзитет – денес повторно е во центарот на вниманието, откако ја намали казната за возачот Менсур Пајазити, кој пред три години ја прегази и усмрти 22-годишната Теодора Ристевска на пешачки премин во Тетово.

Ферати му изрече само две години затвор, речиси преполовувајќи ја првичната казна од три и пол години. Одлуката предизвика шок и огорченост кај семејството на Теодора, но и лавина од реакции во јавноста, кои ја доведуваат во прашање правдата и кредибилитетот на судството.

Судиска кариера со дамка

Судијата Ферати не е непознат на јавноста. На крајот на 2023 година, Државниот просветен инспекторат утврди дека тој си фалсификувал три оценки во Матичната книга на Катедрата по право на ДУТ, со цел да пријави повисок просек при аплицирање во Академијата за судии и јавни обвинители. На документите стоела лажна просечна оценка од 8,20, иако реалната била 7,88.

Не постоеле ниту барања за преполагање, ниту записници, ниту каква било правна основа за промената. И покрај тоа, наместо санкции, Ферати продолжи да ја извршува функцијата судија, додека Обвинителството отвори предистрага која до ден-денес нема развој.

Пресуда која боли

Случајот со смртта на Теодора Ристевска трае веќе три години. Првичната пресуда на Пајазити беше три години и шест месеци затвор, која подоцна Апелацискиот суд ја намали на две години. Откако Врховниот суд ги поништи двете пресуди, предметот повторно се врати на ново судење – овојпат кај судијата Ферати.

Во денешната пресуда, Ферати ги наведе како олеснителни околности тоа што Пајазити бил татко на две деца, досега неосудуван и старател на сестра со здравствени проблеми. Одбраната тврдеше дека на местото на несреќата немало улично осветлување, дека било облачно и дека пешачкиот премин бил лошо обележан.

Но, овие објаснувања не беа доволни за семејството Ристевски. Нејзината сестра Ева и таткото Круме ја напуштија судницата револтирани уште додека траеше рочиштето.

Нема правда без одговорност

Денешната одлука не само што го продлабочува чувството на неправда кај едно семејство кое изгуби ќерка, туку ја разгорува и јавната недоверба во судскиот систем. Судии со компромитиран интегритет, како Ферати, не треба да решаваат случаи кои ја засегаат целата држава.

Прашањето што сега се поставува е – дали македонското судство ќе остане глуво на барањата за правда? Или конечно ќе дојде денот кога оние што го носат законот, ќе мора да одговараат пред него?