Ја будел со вода за да продолжи да ја тепа – една година затвор за насилникот кој претепа бремена девојка

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ја будел со вода за да продолжи да ја тепа – една година затвор за насилникот кој претепа бремена девојка

19 март 2026

• од Станча Јаќимовски

Основниот суд во Свети Николе изрече казна затвор во траење од една година за 21-годишен маж од селото Сарамзалино, кој брутално ја нападнал својата бремена партнерка и со часови ја држел против нејзина волја.

Според информациите од судската пресуда, насилството се случило во семејниот дом во Свети Николе. Напаѓачот најпрво ѝ го одзел мобилниот телефон и клучевите од автомобилот, по што ја заклучил во просторија каде што ја држел околу 15 часа.

Во текот на овој период, тој ѝ нанел повеќе телесни повреди. Особено вознемирувачки е фактот што, откако жената се онесвестила, насилникот ја полевал со студена вода за да ја освести, по што продолжувал со физичкото малтретирање.

Судот го прогласил обвинетиот за виновен за кривичните дела телесна повреда и противправно лишување од слобода, изрекувајќи му единствена затворска казна од една година.

Од Основниот суд во Свети Николе информираат дека пресудата сè уште не е правосилна. Обвинетиот останува во притвор до нејзиното конечнo потврдување, но не подолго од 60 дена.

Случајот повторно ја отвора темата за семејното насилство и потребата од навремена заштита на жртвите, особено кога станува збор за ранливи категории како бремени жени.