Цената на дизелот во Македонија со најголем раст во регионот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Цената на дизелот во Македонија со најголем раст во регионот

10 март 2026

• од Станча Јаќимовски

Регулаторната комисија за енергетика (РКЕ) ги соопшти новите цени на горивата кои ќе стапат на сила од полноќ. Според најновата одлука, цената на евродизелот во Македонија ќе изнесува 85,50 денари за литар, што претставува зголемување од 14,50 денари.

Со ова поскапување, цената на дизелот се зголемува за околу 20 проценти, со оглед на тоа што до денес (9 март) литар дизел се продаваше по 71 денар.

Причини за растот на цените

Главна причина за поскапувањето е нестабилната геополитичка ситуација на Блискиот Исток, особено војната во Иран и регионот, како и затворањето на Ормутскиот теснец. Овој теснец е еден од најважните светски транспортни коридори за нафта, па неговото затворање доведе до намалување на извозот и ограничување или целосно запирање на дел од нафтените капацитети во земји како Обединетите Арапски Емирати, Кувајт, Катар, Ирак и Бахраин.

Поради овие случувања, цената на суровата нафта на светските берзи достигна четиригодишен максимум, што се одрази и врз цените на горивата во голем број европски земји.

Каква е ситуацијата во регионот?

Иако раст на цените има и во соседните држави, Македонија бележи најголемо зголемување.

Зголемувањето од 14,5 денари во Македонија изнесува околу 23,5 евроценти по литар, што е повеќе отколку во поголемиот дел од земјите во регионот.

Во Хрватска дизелот е зголемен за 24 евроценти (14,3 денари), но поради државна интервенција во акцизата, граѓаните реално ќе плаќаат само седум евроценти (4,3 денари) повеќе.
Во Црна Гора цената на дизелот се зголеми за 16 евроценти, односно околу 9,8 денари.
Во Косово дизелот поскапе за осум евроценти, што е приближно 4,9 денари по литар.
Србија донесе одлука за минимално зголемување од три динари, односно околу 2,5 евроценти или 1,5 денари.

Најголем раст и покрај пониската цена

Иако во повеќето соседни земји дизелот и понатаму е поскап отколку во Македонија, споредбата покажува дека најголемиот скок на цената е токму кај нас. Ова се случува во период кога цените на нафтата продолжуваат да растат на светските берзи, што остава можност за дополнителни корекции и во наредниот период.