17 март 2026
• од Станча Јаќимовски
Две малолетни деца на возраст од 3 и 4 години од кумановско село вчера биле итно хоспитализирани откако се затруле со течност што се користи за земјоделски култури, информираа од СВР Куманово.
Случајот бил пријавен во полицијата од страна на лекар од Општата болница во Куманово, вчера околу пладневните часови. Според информациите, децата биле донесени во болницата со симптоми на интоксикација, по што веднаш им бил извршен медицински преглед.
Од полицијата соопштуваат дека по првичниот преглед, децата биле пренесени во Комплексот клиники „Мајка Тереза“ во Скопје за понатамошно лекување и следење на нивната состојба.
Од кумановската болница информираат дека при клиничкиот преглед децата биле во стабилна општа состојба, со нормални витални параметри. Сепак, поради ризик од посериозна интоксикација, било одлучено тие да бидат транспортирани во ЈЗУ Универзитетската клиника за детски болести во Скопје.
Транспортот бил извршен со болничко возило, под надзор на медицински тим, со цел да се обезбеди континуирана здравствена грижа.
Надлежните институции преземаат мерки за целосно расчистување на случајот и утврдување на околностите под кои дошло до труењето.
Маслото достигна 100 денари – граѓаните алармираат за поскапувања во маркетите
Ненадминливи Понуди Дневно
4.8 (10276 рецензии)
Заштедете 152.00 ден

