Државниот врв со честитки за Фитр Бајрам: пораки за мир, солидарност и соживот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Државниот врв со честитки за Фитр Бајрам: пораки за мир, солидарност и соживот

20 март 2026

• од Станча Јаќимовски

Државните лидери во Северна Македонија упатија честитки по повод големиот муслимански празник Фитр Бајрам, испраќајќи силни пораки за мир, солидарност, заедништво и меѓусебна почит.

Премиерот Христијан Мицкоски, преку објава на социјалните мрежи, им го честита празникот на верниците од исламска вероисповед. Во својата порака тој истакна дека овие свети денови, кои го означуваат крајот на месецот на пост, трпение и духовна посветеност, се потсетник на вистинските вредности што ги обединуваат луѓето – почитта, солидарноста, хуманоста и грижата за другите.

„Овој празник нè учи дека силата на едно општество се мери преку подготвеноста да се помогне и да се покаже разбирање“, порача премиерот, додавајќи дека како народ секогаш сме знаеле да бидеме еден до друг во најважните моменти. Тој нагласи дека е неопходно да се негува соживотот, да се гради доверба и да се инвестира во заедничка иднина со мир, стабилност и просперитет за сите граѓани.

Претседателката Гордана Сиљановска-Давкова, исто така, упати честитка до верниците од исламска вероисповед и до поглаварот на Исламската верска заедница, реис-ул-улема Шаќир еф. Фетаху. Во својата порака таа нагласи дека Рамазан Бајрам е повеќе од традиција – тој претставува израз на длабока вера, духовност, милост, хармонија и љубов.

Според претседателката, топлината и духовната енергија на светиот месец не се чувствуваат само во верските објекти и домовите на верниците, туку се присутни во целото општество. Таа истакна дека во време кога светот се соочува со конфликти, војни, кризи и климатски предизвици, токму единството и меѓусебната почит се клучни за градење здраво општество и просперитетна држава.

Претседателот на Собранието, Африм Гаши, исто така, им го честита празникот на граѓаните од исламска вероисповед, посакувајќи им здравје, мир, радост и благосостојба. Во својата честитка тој истакна дека по деновите на пост, молитва и солидарност, празникот нè потсетува на трајните вредности на хуманизмот, почитта и меѓусебната помош.

„Овој голем празник носи пораки на љубов, милост и единство – суштински вредности за градење праведно и хармонично општество“, порача Гаши, додавајќи дека Бајрамските денови треба да донесат мир во семејствата и надеж во срцата на граѓаните.

Честитките од државниот врв уште еднаш ја истакнаа важноста на соживотот, толеранцијата и заедништвото како темели на општеството, особено во време кога овие вредности се од особено значење за стабилноста и иднината на земјата.