ДУИ: Северна Македонија назадува според индексот на корупција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Северна Македонија назадува според индексот на корупција

22 јануари 2026

• од Станча Јаќимовски

Демократската унија за интеграција (ДУИ) изрази длабока загриженост поради, како што наведува, сериозното влошување на состојбата во борбата против корупцијата и континуираната институционална деградација во државата. Во партиското соопштение се потенцира дека најновите показатели упатуваат на загуба на јавната и меѓународната доверба во институциите.

Според последниот извештај за Индексот на перцепција на корупцијата за 2024 година, Северна Македонија бележи пад од 12 позиции и се наоѓа на 88. место од вкупно 180 држави, со освоени 40 поени. Од ДУИ оценуваат дека ваквиот резултат претставува јасен сигнал за неуспехот на актуелната Влада да се справи со корупцијата, па дури и за нејзино нормализирање преку конкретни политики и постапки.

Како дополнително алармантни се наведуваат и податоците од Факултетот за безбедност, според кои секој трет граѓанин или близок член на неговото семејство имал директен контакт со корумпиран службеник. Според ДУИ, ова веќе не е само морално или административно прашање, туку сериозна закана за државната безбедност, бидејќи системската корупција ги парализира институциите и го поткопува демократскиот поредок.

Паралелно со, како што велат, институционалниот неуспех, партијата реагира и на усвојувањето на Законот за контрола на индустриските емисии. Според ДУИ, законот отвора простор за нови еколошки скандали, овозможувајќи ѝ на индустријата да сокрива информации за отпадот што се согорува во фабриките под изговор на деловна тајна. Со тоа, се нагласува, на граѓаните им се ускратува правото да знаат дали нивното здравје и животната средина се загрозени.

ДУИ оценува дека корупцијата во земјата се продлабочува и станува општествена норма, дека државната безбедност и довербата на граѓаните се сериозно нарушени, како и дека транспарентноста и заштитата на животната средина се жртвуваат во корист на тесни економски интереси.

Како опозициска партија, ДУИ бара итна ревизија на антикорупциските политики и укинување на законите што, според нив, ја штитат корупцијата, политичка и институционална одговорност за падот на државата на индексот на корупција, како и целосна транспарентност на индустриските активности што директно влијаат врз здравјето на граѓаните.

„ДУИ останува посветена на заштитата на јавниот интерес, владеењето на правото и изградбата на доверливи институции во служба на граѓаните, а не на корупцијата“, се наведува во соопштението.