24 февруари 2026
• од Станча Јаќимовски
До редакцијата на Инфомакс пристигна видео материјал од уште еден камион натоварен со марихуана, кој бил подготвен за шверц и нелегална продажба. Според информациите, камионот бил откриен утринава на територијата на општина Чешиново-Облешево.
Неофицијално, возилото е во сопственост на едно од лицата уапсени во големата полициска акција што се реализираше минатата недела. Извори наведуваат дека сопственикот го оставил камионот на сервис поради наводен технички дефект, но при проверката било утврдено дека товарниот простор бил целосно исполнет со марихуана, подготвена за понатамошна дистрибуција на црниот пазар.
Полицијата го пронашла и запленила камионот заедно со целокупната количина на дрога. Со оваа најнова заплена, вкупната количина на одземена марихуана во рамки на тековните акции надминува 40 тони.
Надлежните институции продолжуваат со истрагата за целосно расчистување на случајот и утврдување на евентуалната поврзаност со претходно уапсените лица. Се очекуваат повеќе детали во текот на денот.
Ненадминливи Понуди Дневно
4.8 (10276 рецензии)
Заштедете 152.00 ден

