Филип Петровски: Српскиот свет е сериозна закана што го негира постоењето на Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филип Петровски: Српскиот свет е сериозна закана што го негира постоењето на Македонија

24 јануари 2026

• од Станча Јаќимовски

Филип Петровски во подкастот „Коридор 8“ предупреди дека концептот на т.н. „српски свет“ претставува сериозна и долгорочна закана за македонската државност и национален идентитет, оценувајќи дека истиот не смее да биде потценет.

Според Петровски, српскиот свет е директна копија и идеолошка рефлексија на „рускиот свет“, од кој, како што вели, јасно се инспирира. Тој нагласува дека овој концепт има експанзионистички карактер и во своите проекции ја негира самостојноста и историското постоење на Македонија.

„За оние што не се доволно упатени, српскиот свет во својата суштина значи дека Македонија се третира како ‘стара Србија’. Во тие проекции, денешна Република Македонија се смета за најстариот дел од Србија, што автоматски го поништува постоењето на македонската држава и нацијата“, истакна Петровски.

Тој предупреди дека во последниот период се забележуваат конкретни манифестации на оваа идеологија во Македонија и оцени дека апсењето на српскиот пејач Аца Лукас може да се гледа како првична конфронтација меѓу македонските институции и српскиот свет.

„Во државата во моментов се случуваат големи прегрупирања. Аца Лукас, како и други јавни личности од Србија кои често настапуваат кај нас, јас ги гледам како експоненти на српскиот свет“, рече Петровски.

Според него, влијанието не се врши само преку политички пораки, туку и преку културна доминација. Тој посочи дека преку, како што ја нарече, „шунд и кич култура“, се создава позитивно расположение кон северниот сосед, што на подолг рок има сериозни политички и идентитетски импликации.

„Тоа не е наивно. Преку културата се менува свеста, а преку свеста се отвора простор за политичко влијание“, нагласи Петровски, додавајќи дека македонското општество мора внимателно и одговорно да се постави кон ваквите процеси.

Тој заклучи дека српскиот свет не е маргинална појава, туку стратегиски концепт кој бара сериозен институционален и општествен одговор, доколку Македонија сака да ги заштити својата државност, културен идентитет и политичка автономија.