Голем пожар во Дојран – ниту авион, ниту хеликоптер не е испратен

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Голем пожар во Дојран – ниту авион, ниту хеликоптер не е испратен

08 јули 2025

• од Станча Јаќимовски

Додека вниманието на јавноста е насочено кон неколкуте активни пожари во земјата, еден сериозен пожар во Дојран останува речиси целосно игнориран. На социјалните мрежи веќе има реакции поради овој пропуст. Граѓанскиот активист Боби Илиевски објави на Фејсбук:
„Кажаа ли медиумите, пишаа ли порталите дека пожар беснее и во Дојран? Не, а? Ниту авион, ниту хеликоптер се испратени.“

Иако во официјалното соопштение на Центарот за управување со кризи (ЦУК) пожарот кај селото Николич во општина Дојран е споменат, тоа е направено само таксативно – без дополнителни информации за сериозноста на ситуацијата. Мештаните алармираат дека пожарот е заканувачки и бараат итна интервенција.

Во моментот, според ЦУК, активни се следниве пожари:

Прилеп – село Бешиште
Македонски Брод – села Црешнево, Слатино и населбата Самоков (фабрика „Сувенир“)
Чашка – под Солунска Глава
Чучер Сандево – меѓу селата Блаце и Чучер
Дојран – село Николич
Бутел – Визбегово (хотел „Њу Стар“)
Крива Паланка – село Жидилово
Делчево – градската депонија

И покрај сериозноста на ситуацијата во повеќе региони, јавноста се прашува дали одредени општини добиваат селективен третман кога станува збор за противпожарна поддршка. Местата како Дојран, каде пожарот очигледно се шири и предизвикува вознемиреност меѓу локалното население, се оставени сами на себе.

Апелите на граѓаните бараат итно ангажирање на воздушни сили за гаснење, особено во услови кога теренот е тешко достапен. Додека огнот напредува, тишината од надлежните институции сѐ повеќе се чувствува како дополнително масло врз веќе разгорениот пламен.