Груби во рацете на полицијата — деталите што штотуку излегоа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Груби во рацете на полицијата — деталите што штотуку излегоа

23 февруари 2026

• од Гоце Кически

Денеска (23.02.2026) во 06:10 часот на Граничниот премин Блаце, при влез во државата, од слобода е лишен Артан Груби (48), кој бил баран со меѓународна потерница за спроведување истрага за сторено кривично дело по член 354 став 5 во врска со став 3 и став 1 во врска со член 22 од Кривичниот законик.

Според информациите, приведувањето го извршиле полициски службеници при редовна гранична контрола. Надлежните институции најавуваат дека против Груби ќе продолжи законската постапка.

Артан Груби е македонски политичар и новинар. Од 2020 година ја извршува функцијата прв заменик на претседателот на Владата и министер за политички систем и односи меѓу заедниците.

Во декември 2024 година беше отворена истрага против Груби и неговиот поранешен соработник Перпарим Бајрами поради сомневања за проневера и злоупотреби поврзани со Државната лотарија. Во рамки на постапката беа извршени претреси на нивните домови и на повеќе други локации, при што истражните органи собираат докази за наводна финансиска штета и незаконски тендерски процедури.

Обвинителството соопшти дека Груби и Бајрами се сомничат дека учествувале во активности кои во 2023 година предизвикале значителна финансиска штета за Лотаријата, проценета на околу 501 милион денари, со намера за незаконско прибавување имотна корист. Во предметот се опфатени и уште четири лица, меѓу кои претседател и членови на комисија за два јавни повика.

Истрагата опфаќа и сомневања за нелегално издавање лиценци за интернет коцкање, како и набавка на апарати за коцкање од страна на Бајрами во вредност од речиси 12 милиони евра. Дополнително се истражува и изнајмувањето објект во Визбегово, за кој Државната лотарија платила околу 300.000 евра закуп за поранешен ресторан за свадби.

Поранешниот вицепремиер Груби претходно негираше дека е во бегство, наведувајќи дека престојува во приватна посета во Косово. Обвинителството продолжува со постапката, а од институциите се очекуваат дополнителни информации во текот на денот.