Ким Мехмети: Македонците се плашат од вистината за себеси

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ким Мехмети: Македонците се плашат од вистината за себеси

12 февруари 2026

• од Станча Јаќимовски

Во најновото издание на подкастот Коридор 8, писателот и публицист Ким Мехмети упати остра критика за општествената и политичката состојба во земјата, оценувајќи дека Македонија живее свртена кон минатото затоа што не гледа јасна перспектива пред себе.

„Градиме минато“

„Ние во Македонија, сите што живееме во Македонија, немајќи ништо пред себе што би се именувало како иднина, сме се фатиле со минатото и неа ја градиме“, вели Мехмети.

Според него, фокусот на историските наративи и симболиката станал замена за визија. Тој посочува дека секој што ќе дојде во Скопје ќе види „само споменици“, алудирајќи на урбаните и политичките проекти кои ја нагласуваат историската димензија на државата.

Мехмети смета дека во Македонија поважно станало „какво ќе ѝ е минатото, а не иднината“. Оваа ориентација, според него, создава општество кое вложува енергија во историски интерпретации, наместо во развојни стратегии.

Страв од вистината

Во продолжение на разговорот, Мехмети изнесува уште поконтроверзна теза. Тој тврди дека проблемот не е во односите со Албанците, ниту во историските наративи што доаѓаат од Софија, туку во односот на Македонците кон сопствениот идентитет.

„Македонците се плашат од вистината за себеси. Нема тие проблеми нити со Албанците, нити со вистината што е за нив ја проповеда Софија. Тие се плашат од некоја вистина за себеси“, изјави тој.

Со ова, Мехмети алудира на нерешени идентитетски прашања и внатрешни дилеми кои, според него, го кочат развојот на државата.

Без соочување – нема иднина

Неговата поента кулминира во пораката дека без искрено соочување со сопствените слабости и вистини, не може да се гради иднина.

„Сè додека се плашите од вистината за себеси, вие не можете да градите иднина“, нагласува Мехмети.

Според оваа анализа, стравот од саморефлексија ја турка Македонија кон повторно оживување на минатото, наместо кон креирање на нови општествени и политички хоризонти.

Изјавите во подкастот отвораат поширока дебата за тоа дали земјата има јасна визија за иднината или сè уште се наоѓа во циклус на историски преиспитувања.