Ким Мехмети: Со пратеничка плата не се купува џип од 200 илјади евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ким Мехмети: Со пратеничка плата не се купува џип од 200 илјади евра

28 јануари 2026

• од Станча Јаќимовски

Публицистот и аналитичар Ким Мехмети во најновото издание на подкастот „Коридор 8“ изнесе остри ставови за, како што рече, начинот на кој дел од македонските политичари се збогатуваат по доаѓањето на власт.

Според Мехмети, платите на пратениците и министрите, кои во просек изнесуваат од 1.500 до 2.000 евра, не можат да ја оправдаат имотната состојба што ја прикажуваат одредени функционери по завршување на нивните мандати.

„За четири години мандат, еден функционер може да заработи околу 80 до 100 илјади евра. А само џипот што го вози вреди 200 илјади евра, без да зборуваме за пет станови, плац и друг имот“, истакна Мехмети во разговорот.

Тој нагласи дека ваквите несразмери меѓу официјалните приходи и реалниот луксуз се, според него, доволен аргумент за сомнеж во чесноста на политичката елита. Мехмети додаде дека често бил прозиван да достави „докази“ за ваквите тврдења, но смета дека самата математика е доволна.

„Од политика може да се живее солидно, но не може да се збогатите како бизнисмен. Од политика може да се збогати само лопов“, рече Мехмети, нагласувајќи дека ова е негов личен став заснован на долгогодишно следење на политичките процеси во земјата.

Во подкастот „Коридор 8“, тој упати и поширока критика до македонскиот политички систем, оценувајќи дека политиката кај нас често се претвора во приватен бизнис, наместо во јавна служба.

Изјавите на Мехмети повторно ја отворија дебатата за потеклото на имотот на функционерите, транспарентноста и одговорноста на носителите на јавни функции во Македонија.