Клековски против минимална плата од 600 евра: Македонија не е најсиромашна во регионот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Клековски против минимална плата од 600 евра: Македонија не е најсиромашна во регионот

09 февруари 2026

• од Станча Јаќимовски

Дебатата за воведување минимална плата од 600 евра во Македонија се води врз погрешни основи и со несоодветни споредби, предупредува директорот на Фондот за здравствено осигурување, Сашо Клековски. Според него, во јавноста често се прави „мешање на баби и жаби“, особено кога се споредуваат нето и бруто износи и се занемарува паритетот на куповна моќ (ПКМ).

Клековски посочува дека Еуростат намерно ги користи бруто платите како релевантен индикатор, со цел да се елиминираат разликите што произлегуваат од различните даночни и социјални системи во земјите. Како илустрација ја наведува Црна Гора, каде минималната плата изнесува 600 евра нето, но околу 670 евра бруто. Во Македонија, пак, минималната бруто плата е 586 евра, што, според него, покажува дека земјата не се наоѓа на дното во регионот, како што често се тврди.

Разликите, вели Клековски, произлегуваат од различни модели на оданочување. Црна Гора има пониски придонеси и персонален данок, но затоа значително повисок данок на додадена вредност. Примената на таков модел во Македонија, предупредува тој, би значела повисоки цени и дополнителен товар за граѓаните.

Според податоците на Еуростат, минималната бруто плата во Македонија, изразена во паритет на куповна моќ, изнесува 1.069 евра. Со тоа земјата се искачува на 20. место и влегува во средната група меѓу земјите членки на Европската унија и земјите кандидати.

Клековски оценува дека воведувањето минимална нето плата од 600 евра би ја позиционирало Македонија, според куповна моќ, во иста група со економски силни земји како Германија и Холандија, што, според него, не е реално со сегашното ниво на продуктивност.

Тој нагласува дека суштинскиот проблем не е висината на минималната плата, туку ниската продуктивност кај дел од домашните компании. Наспроти тоа, странските и извозно ориентираните фирми бележат повеќекратно повисока продуктивност и, соодветно, повисоки плати.

„Кога продуктивноста ќе порасне, ќе зборуваме и за значително повисоки плати, не само за минималната“, порачува Клековски.