Кривична пријава против Фатмир Дехари: Буџетот на Општина Кичево оштетен за околу 130 илјади евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кривична пријава против Фатмир Дехари: Буџетот на Општина Кичево оштетен за околу 130 илјади евра

29 јануари 2026

• од Станча Јаќимовски

ОВР Кичево поднесе кривична пријава против Фатмир Дехари, поранешен градоначалник на Општина Кичево и кадар на Демократската унија за интеграција (ДУИ), поради основано сомнение за сторено кривично дело „злоупотреба на службена положба и овластување“. Истовремено, кривични пријави се поднесени и против уште четири лица за кривично дело „перење пари и други приноси од казниво дело“.

Покрај Дехари, пријавени се и Ф.А. (62) од село Зајас, А.Н. (38) од село Србица, Х.Б. (37) од село Црвевци и Б.С. (36) од село Стрелци.

Според информациите од Министерството за внатрешни работи, во периодот од 2021 до 2025 година, Дехари, во својство на градоначалник на Кичево, свесно и со умисла постапувал спротивно на одредбите од Законот за работни односи и Законот за локална самоуправа. Тој склучувал договори за вработување со пријавените лица, по што со пропуштање на должен надзор им овозможил да не доаѓаат на работа, а притоа да им се исплаќаат плати, надоместоци и придонеси од буџетот на општината.

Дополнително, по истекот на законскиот рок, работниот однос на овие лица не бил прекинат, иако за тоа постоела законска основа. Со ваквото постапување, како што наведува полицијата, буџетот на Општина Кичево бил оштетен за околу 130.000 евра, а пријавените лица се стекнале со противправна материјална корист.

Секој од осомничените, според пријавата, на своја банкарска сметка примил различни износи на пари, иако биле свесни дека средствата потекнуваат од казниво дело.

Надлежното јавно обвинителство во наредниот период треба да одлучи за понатамошното постапување по поднесените кривични пријави.