Љубчо Георгиевски: УДБА ги тепала и затварала Македонците со бугарско самочувство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: УДБА ги тепала и затварала Македонците со бугарско самочувство

25 јули 2025

• од Станча Јаќимовски

„Не можам да сфатам од што се плашиме,“ вели поранешниот премиер Љубчо Георгиевски, повикувајќи на отварање на архивите од времето на Југославија. Според него, стравот да се дознае вистината за тоа што се случувало во Титова Југославија сè уште длабоко е всаден – не само во политичките кругови, туку и кај обичните граѓани.

„УДБА ги прогонуваше Македонците со бугарско чувство“

Георгиевски директно посочува дека дел од архивите содржат непријатна вистина – многу Македонци, кои имале бугарско самочувство или биле следбеници на Ванчо Михајлов, биле прогонувани, тепани и затворани од страна на УДБА. Според него, тоа било свесна политика на репресија која траела децении.

„УДБА решавала дека тоа треба да го крши со затвор, со ќотек, со тепање. Тоа е вистината од која бегаат и левицата и патриотите,“ вели Георгиевски.

Тој додава дека голем дел од тие што биле директни извршители на тие прогонства одамна се мртви или многу стари – што ја прави целата дебата уште поапсурдна, бидејќи не станува збор за одмазда, туку за соочување со вистината.

„Го штитиме митот за Титова Југославија“

Поранешниот премиер вели дека клучниот проблем е што Македонија не сака да ја сруши „сликата“ за поранешната Југославија. Тој сугерира дека постои колективен страв да се покаже дека македонската држава била изградена врз прикриени политички прогонства, особено кон оние што не се вклопувале во доминантниот национален наратив.

„Се плашиме да не испадне дека најголем дел од Македонците биле прогонувани по бугарска линија. Тоа е стравот,“ вели тој.

„Со тишината само ѝ помагаме на бугарската политика“

Георгиевски предупредува дека со тоа што Македонија ги држи архивите затворени, ја губи моралната предност во односите со Бугарија. Според него, кога македонската страна одбива транспарентност, бугарската политика има простор да ја обвини дека крие докази за сопствените прогони.

„Им даваме шанса на Бугарите да речат – се плашите од своите архиви. Што криете таму?“, истакнува Георгиевски.

Апел за соочување

Со овој јавен настап, Георгиевски испраќа јасна порака до институциите – архивите мора да се отворат. Само преку соочување со вистината, без разлика колку таа била непријатна, Македонија може да се движи напред како слободна и зрела демократска држава.