Матка претворена во зона на страв: Општината ја затвори патеката поради опасност од уривање карпи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Матка претворена во зона на страв: Општината ја затвори патеката поради опасност од уривање карпи

27 февруари 2026

• од Станча Јаќимовски

Наместо туристичка сезона и безгрижни прошетки покрај езерото, посетителите на Матка ги дочека забрана и предупредувања за животна опасност. Општина Сарај официјално објави дека движењето по патеката во Матка е целосно забрането поради сериозна опасност од уривање карпи.

Одлуката, како што информираат од општината, е донесена врз основа на акт на Дирекцијата за заштита и спасување (бр. 57-2071-1 од 19.02.2026 година). На терен веќе се поставени предупредувачки знаци за паѓање камења, што дополнително ја нагласува сериозноста на ситуацијата.

Забраната стапува на сила веднаш и ќе трае до понатамошно известување, без прецизен рок за нормализирање на состојбата. Тоа значи дека еден од најпосетуваните локалитети во околината на Скопје останува затворен на неодредено време.

Особено загрижува фактот што опасноста од уривање карпи укажува на потенцијален пропуст во навремено одржување и проценка на ризикот на оваа фреквентна туристичка зона. Матка со години привлекува илјадници туристи, спортисти и рекреативци, но сега безбедноста е доведена во прашање.

Властите ги повикаа жителите, туристите и здруженијата кои планираат активности во овој предел строго да ја почитуваат одлуката, нагласувајќи дека одговорноста во случај на непочитување ќе ја сносат самите повредени лица.

Додека надлежните институции не понудат конкретен план за санација и гаранции за безбедност, Матка останува симбол на запоставена инфраструктура и потенцијална закана за посетителите.