На 30 март започнува судењето за Стојанче Јовановски обвинет за наведување на самоубиство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

На 30 март започнува судењето за Стојанче Јовановски обвинет за наведување на самоубиство

19 март 2026

• од Станча Јаќимовски

На 30 март е закажан почетокот на судскиот процес против Стојанче Јовановски, кој се товари за повеќе кривични дела поврзани со семејно насилство и наведување на самоубиство. Станува збор за случајот со Ивана Јовановска, која на 2 март трагично го загуби животот заедно со своето малолетно дете.

Според обвинението, Јовановски се гони за три кривични дела: телесна повреда како продолжено дело во контекст на семејно насилство, загрозување на сигурноста, како и за наведување и помагање во самоубиство.

Судењето ќе го води судијата Ивица Стефановски, кој во јавноста е познат по постапувањето во неколку значајни предмети.

Обвинението наведува дека на 2 март, на повеќе локации во Скопје, обвинетиот физички ја нападнал својата сопруга, при што ѝ нанел телесни повреди. Во еден момент, таа изгубила свест. Подоцна истиот ден, на паркинг зад Основниот кривичен суд во Скопје, ѝ упатил сериозни закани по нејзиниот живот, предизвикувајќи страв и несигурност.

Надлежните посочуваат дека насилството траело подолг временски период, при што оштетената била во зависна и подредена положба. По стекнување на сопственост врз станот во кој живееле, однесувањето на обвинетиот, според обвинението, станало сѐ поагресивно, а во текот на 2025 година дополнително ескалирало.

Тој, како што се наведува, често ја навредувал и физички ја малтретирал, и во домот и на јавни места, дури и во присуство на нивното малолетно дете. Притоа, ѝ се заканувал дека ќе ја оттурне од домот и ќе ѝ го одземе детето.

На денот на настанот, по нов бран на насилство и закани, жената се вратила дома со детето со намера да си замине. Според обвинението, доведена во состојба на тешка психичка вознемиреност и безизлезност, таа си го одзела животот.

Судскиот процес што следува треба да ги утврди сите околности и одговорноста за овој трагичен случај кој ја вознемири јавноста.