Нападнати полицајци пред дискотека во Скопје, осомничените пуштени

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нападнати полицајци пред дискотека во Скопје, осомничените пуштени

29 март 2026

• од Станча Јаќимовски

Независниот синдикат на полицијата остро реагира по синоќешниот инцидент пред дискотека во Скопје, во кој, според нивните информации, двајца полициски службеници од ПС ОН Карпош биле нападнати од алкохолизирани лица и притоа се здобиле со тешки телесни повреди.

Од Синдикатот изразуваат сериозна загриженост за постапувањето на надлежните институции, нагласувајќи дека осомничените лица биле ослободени и не биле изведени пред суд по итна постапка, иако, како што велат, првично постоеле насоки за такво постапување.

„Целосно сме запрепастени од одлуката на обвинителството лицата да бидат ослободени и да не бидат изведени пред суд по итна постапка. Нашите информации укажуваат дека оваа одлука била променета по интервенција од висок функционер од Владата, по што бил сменет и обвинителот“, наведуваат од Синдикатот.

Дополнително, од таму посочуваат дека во случајот е вклучен и одделот за внатрешна контрола, кој, наместо да ја утврдува одговорноста кај напаѓачите, ќе ја преиспитува работата на полициските службеници.

Од Независниот синдикат на полицијата најавуваат дека ќе го следат случајот внимателно и ќе преземат конкретни чекори. Веќе утре ќе испратат писмена реакција до Основното јавно обвинителство и до Министерството за внатрешни работи.

„Нанесување тешка телесна повреда на полициски службеник претставува сериозно кривично дело кое не смее да биде толерирано ниту маргинализирано. Очекуваме сериозен и темелен пристап од сите институции“, порачуваат од Синдикатот.