македонија04 октомври 2024 Не ти се менува возачката во ,,Северна"? Полицијата ќе ти го олесни паричникот за 100 евра!
Од 1 јануари возачките дозволи на кои стои натписот „Република Македонија“ ќе престанат да важат, а сите возачи имаат обврска до тогаш да ги заменат доколку сакаат да продолжат да управуваат моторни возила. Ова го потврди министерот за внатрешни работи, Панче Тошковски, во интервју за ТВ21, истакнувајќи дека полицијата ќе ги казнува сите возачи кои ќе бидат фатени со старите дозволи.
Министерот Тошковски посочи дека во моментот нема гужви при издавањето на новите дозволи со уставното име „Северна Македонија“, и дека целиот процес тече без проблеми.
„Се надевам дека нема да дојдеме до ситуација на преоптоварување, затоа што ги обезбедивме сите потребни ресурси. Апелирам до граѓаните да ги заменат своите возачки дозволи навремено, бидејќи ги имаме сите обрасци и услуги потребни за процесот да биде брз и ефикасен. Граѓаните можат да закажат термин од ден за ден,“ изјави Тошковски.
Според законот за безбедност на сообраќајот на патиштата, возачите кои ќе бидат фатени од страна на полицијата со стара возачка дозвола ќе добијат прекршочен налог и ќе треба да платат казна од 100 евра.
Што значи ова за возачите?
Со оглед на строгите казни, возачите кои сè уште не ги замениле своите стари возачки дозволи, треба веднаш да го направат тоа. Процесот за замена е едноставен, без долгочекивани редови и со можност за брзо закажување. Одлагањето на оваа обврска може да доведе до непријатни финансиски последици, бидејќи казната е фиксна и значителна – 100 евра.
Доколку возачите сакаат да избегнат вакви трошоци, најдобро е да ја искористат можноста за навремена замена на своите дозволи.