Обвинителството ќе ги проверува полицајците кои постапувале по пријавите од Ивана кога Стојанче ја тепал

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинителството ќе ги проверува полицајците кои постапувале по пријавите од Ивана кога Стојанче ја тепал

31 март 2026

• од Станча Јаќимовски

Обвинителството за гонење организиран криминал и корупција (ОЈО ГОКК) ќе го испитува постапувањето на полициските службеници во случаите на пријавено семејно насилство што го вршел Стојанче Јовановски врз неговата сопруга Ивана и нивната малолетна ќерка Катја.

Како што информираат од Обвинителството, предметот веќе е доставен до ОЈО ГОКК, а ќе го преземе обвинител од Специјализираното одделение за гонење кривични дела сторени од лица со полициски овластувања. Целта е да се утврди дали постои основ за кривична одговорност кај службените лица кои постапувале по претходните пријави.

„Известувањето за кое покажувате интерес е доставено до ОЈО ГОКК во текот на вчерашниот ден и истото ќе биде дадено на постапување на јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција“, соопштија од институцијата.

Според досега обезбедените докази, насилството било континуирано и со текот на времето ескалирало. На 2 март, на повеќе локации во Скопје, обвинетиот физички ја нападнал сопругата, удирајќи ја со шлаканици и тупаници, при што таа изгубила свест. Истиот ден ѝ упатил и сериозни закани по живот, предизвикувајќи кај неа страв и чувство на загрозеност.

Ивана во повеќе наврати го пријавувала насилството во полиција, а на судењето сведочеше и нејзината мајка, која ги потврдила настаните. Таа изјавила дека Стојанче ја тепал Ивана дури и додека таа држела дете во раце, додавајќи дека малолетната Катја била сведок на насилството.

„Катја кажуваше: ‘бабо, тато ја шутираше мама и ѝ викаше навредливи зборови’“, сведочеше мајката.

Покрај Внатрешната контрола во МВР, сега и Обвинителството ќе утврдува дали институциите соодветно постапувале по претходните пријави за семејно насилство и дали евентуални пропусти придонеле за трагичниот исход.