Од 14 до 16 март Кочани ќе ја одбележи годишнината од трагичниот пожар во „Пулс“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од 14 до 16 март Кочани ќе ја одбележи годишнината од трагичниот пожар во „Пулс“

10 март 2026

• од Станча Јаќимовски

Општина Кочани ја објави програмата за одбележување на првата годишнина од трагедијата што се случи во дискотеката „Пулс“. Планираните настани имаат духовен и комеморативен карактер, а во програмата се вклучени и културни активности. Одбележувањето ќе започне на 14 март и ќе трае до 16 март, на повеќе локации во градот.

Програмата започнува на 14 март во црквата „Св. Великомаченик Георгиј“ во Кочани. Во 08:00 часот ќе се одржи литургија за покој на загинатите, по што во 09:30 часот ќе следи општ помен. Во 10:45 часот на Градските гробишта ќе се одржи трислужбена панихида за жртвите од трагичниот пожар во „Пулс“.

На 15 март се предвидени повеќе спортски и културни активности. Во 09:00 часот ќе започне рекреативна трка и велосипедски турнир на релација Штип – Кочани, организирани во чест на 63-те млади лица кои го загубија животот во трагедијата. Во истото време ќе започне и првиот комеморативен пешачки марш „Ивона Антова и 63 ангели“, кој ќе се одржи по патот кон Пониква.

Истиот ден, со почеток во 10:00 часот, во спортската сала на Средното училиште во Кочани ќе се одржи кошаркарски турнир меѓу повредените во трагедијата.

Одбележувањето на годишнината има за цел да се оддаде почит на жртвите и да се зачува сеќавањето на трагедијата која го потресе градот и целата јавност.