Од Скопје до Софија: Младите од Северна Македонија и Бугарија градат заедничка климатска визија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од Скопје до Софија: Младите од Северна Македонија и Бугарија градат заедничка климатска визија

23 јануари 2026

• од Тодор Вангелов

Една од најстарите бугарски невладини организации, Асоцијација на Обединетите нации на Бугарија, организира симулациски модел на Европскиот парламент во Софија, со фокус на климатските политики и улогата на младите во иднината на Европа. Настанот се одржува од петок до недела и обединува 34 студенти од Бугарија, Словенија и Република Северна Македонија.

Дебатниот форум е дел од проектот FutureEU: Empowering Youth Through Climate Models и ќе се реализира на 23 и 24 јануари на Факултетот за новинарство и масовни комуникации при Софиски универзитет „Св. Климент Охридски“. Учесниците ќе ги преземат улогите на европратеници, претставувајќи различни земји членки на Европската Унија и политички групи, и ќе дебатираат за клучни прашања поврзани со климатските промени, намалувањето на јаглеродните емисии и целта за климатска неутралност до 2050 година.

Според организаторите, младите покажуваат високо ниво на мотивација и подготвеност да ги унапредат своите истражувачки и дебатни вештини, како и способноста за постигнување консензус за конкретни европски политики. По воведните говори, следуваат структурирани и конструктивни дискусии, чија цел е усвојување финална резолуција.

„Младите се исклучително ангажирани и сериозно пристапуваат кон темите. Покрај работниот дел, предвидовме и културна програма со професионален водич низ историскиот центар на Софија, за да се поттикне меѓукултурната размена,“ изјави Цветелина Гарелова, претставничка на Асоцијацијата на ОН на Бугарија и младинска делегатка на Бугарија во Обединетите нации за периодот 2022–2023 година.

Проектот има и јасна регионална димензија. Во февруари е планирана идентична симулација во Љубљана, додека на крајот на ноември минатата година пилот-форум се одржа во Скопје, со учество на бугарски студенти од Софија, Варна и Велико Трново. Овие активности ја нагласуваат важноста на соработката меѓу младите од Бугарија и Северна Македонија во рамки на европските интеграции и заедничките климатски предизвици.

Асоцијацијата на Обединетите нации на Бугарија е основана во 1948 година со цел поддршка на членството на Бугарија во Обединетите нации, кое стана реалност во 1955 година. Денес, организацијата е дел од Светска федерација на асоцијации на Обединетите нации, заедно со повеќе од 100 национални асоцијации, и обединува активни граѓани, дипломати, универзитетски професори и студенти, работeјќи континуирано во интерес на јавноста.