Орце Ѓорѓиевски: Граѓаните треба да бидат трпеливи, автобуси ќе има до средината на годината

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Орце Ѓорѓиевски: Граѓаните треба да бидат трпеливи, автобуси ќе има до средината на годината

19 февруари 2026

• од Станча Јаќимовски

Градоначалникот на Скопје, Орце Ѓорѓиевски, во гостување во емисијата „Топ Тема“ се осврна на состојбата со загадувањето на воздухот, финансиската консолидација на јавните претпријатија и предизвиците во јавниот превоз, упатувајќи порака до граѓаните дека е потребно трпение бидејќи, како што рече, „нема магично стапче“ за брзи решенија.

Загадувањето не е проблем од вчера

Говорејќи за амбиенталниот воздух, Ѓорѓиевски истакна дека загадувањето во главниот град не може да се припише само на цементницата Цементарница Усје, туку дека станува збор за долгогодишен системски проблем.

„Усје според мене не е единствениот кој влијае на влошување на амбиенталниот воздух во главниот град. Сите го дишеме тоа и го живееме многу години наназад. Сега транспарентноста е зголемена и треба граѓаните да го знаат тоа. Сите овие индустрии треба да бидат надвор од градот“, изјави тој.

Градоначалникот нагласи дека приватната сопственост претставува ограничување за директна интервенција од страна на градот. Според него, не е можно институционално да се навлегува во приватен имот и еднострано да се носат одлуки, но потенцијалните загадувачи треба постепено да се изолираат, особено од централното градско подрачје, како и да се зголемат инспекциските контроли.

Намалување на долговите и финансиска стабилизација

Во однос на финансиската состојба, Ѓорѓиевски информираше дека е постигнато значително намалување на долговите.

„Долгот на градот е намален за над 40 милиони евра за јавните претпријатија. Градот Скопје над 5 милиони евра е исплатен целосно и не должи ништо. Во моментов градот има над 4 милиони евра. За Дрисла е потребно 150 милиони евра или процес на јавно-приватно партнерство“, посочи тој.

Според него, финансиската консолидација е предуслов за спроведување на поголеми инфраструктурни и еколошки проекти.

Јавниот превоз – потребно е трпение

Осврнувајќи се на состојбата со јавниот превоз, градоначалникот призна дека проблемите не можат да се решат преку ноќ.

„Многу одамна се немам возено со автобус, но мојата мајка секој ден се вози. Јас пред 100 дена станав градоначалник, а не пред 100 години. Она што можевме да го направиме, го направивме. Исплативме над 72 милиони денари на приватните превозници, им беше дозволено да го зголемат бројот на возила, а 30-тина автобуси стоеја за ситни поправки и беа поправени. Граѓаните треба да имаат трпение. Јас немам магично стапче, но давам се од себе“, изјави Ѓорѓиевски.

Тој додаде дека последните набавени автобуси биле во мандатот на неговиот претходник, Петре Шилегов, и најави дека до средината на годината се очекува пристигнување на дел од новите автобуси, а потоа и останатите, со што градот би требало да добие вкупно 100 нови возила.

Сепак, нагласи дека реализацијата на набавката зависи од Владата како главен носител на проектот, а не директно од Градот Скопје.

Со ова, градоначалникот испрати порака дека процесите се во тек, но дека за суштински подобрувања ќе биде потребно време, координација и поддршка од централната власт.