Поддршката за ЕУ расте, младите најпроевропски: 71% од граѓаните „за“ членство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Поддршката за ЕУ расте, младите најпроевропски: 71% од граѓаните „за“ членство

29 јануари 2026

• од Гоце Кически

Поддршката за членството на Северна Македонија во Европската Унија бележи значителен раст, особено кај младите, покажуваат најновите податоци од Институт за демократија „Социетас Цивилис“. Според истражувањето објавено на веб-страницата на институтот, 71% од граѓаните го поддржуваат членството во ЕУ, што е речиси 10 процентни поени повеќе во споредба со анкетата од 2024 година.

Истражувањето, спроведено во периодот од 22 октомври до 5 ноември 2025 година, покажува дека евроскептиците сочинуваат 14% од населението. Најстабилен фактор што ја поттикнува поддршката и натаму останува образованието, но особено се издвојува јасниот пресврт кај најмладата возрасна група – младите во последните две години сè поизразено го поддржуваат европскиот пат на државата. Наспроти тоа, граѓаните над 55 години остануваат најскептични.

Оптимизмот за временската рамка исто така расте: 30% веруваат дека земјата ќе стане членка на ЕУ во следните три до пет години, додека 19% остануваат песимисти. Економските очекувања се и понатаму главен мотив за поддршка – подобар животен стандард е најчесто наведуваната причина. Сепак, 60% од анкетираните сметаат дека членството во ЕУ нема целосно да го запре иселувањето на младите.

Поддршката за европската интеграција варира и по партиска линија: 85% од симпатизерите на СДСМ го поддржуваат членството, додека кај поддржувачите на ВМРО-ДПМНЕ таа изнесува 70%.

Истражувањето е спроведено на примерок од 1.003 испитаници и е национално репрезентативно по пол, возраст и етничка припадност, со вклучени сите шест изборни единици. Анализата за 2025 година е продолжение на континуираното следење на јавното мислење за евроинтеграциите во периодот 2014–2024, со иста теоретска и аналитичка рамка, што овозможува директна споредба на трендовите – особено значајни кај младата популација.