Поплави во Струмичко: Удавени над 100 овци и јагниња, сериозно оштетени земјоделски насади

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Поплави во Струмичко: Удавени над 100 овци и јагниња, сериозно оштетени земјоделски насади

27 јануари 2026

• од Станча Јаќимовски

Силното невреме проследено со обилни врнежи од дожд предизвика големи поплави и катастрофални штети во струмичкиот регион. Најтешко погодени се руралните средини, каде водата за кратко време излезе од коритата и нанесе значителни загуби врз сточарството и земјоделството.

Најкритична е состојбата во селото Костурино, на локалитетот познат како „Шепово“. Таму, во силниот налет на надојдената вода, животот го загубија повеќе од 100 овци и јагниња, што претставува огромен удар за локалните сточари. Според сведоштвата на жителите, водата навлегла ненадејно и не им оставила доволно време за евакуација на добитокот.

Покрај загубите во сточниот фонд, сериозно се оштетени и земјоделските површини во атарот на селото Муртино. Голем дел од обработливите површини се целосно под вода, а насадите се во опасност од целосно уништување. Земјоделците стравуваат дека последиците од поплавите ќе се почувствуваат и во наредниот период, особено доколку водата подолго се задржи на нивите.

Надлежните институции најавуваат излегување на терен во наредните денови, со цел да се направи целосна проценка на материјалната штета и да се утврдат можностите за помош и обештетување на погодените семејства.

Локалното население апелира за брза реакција и поддршка, со оглед на тоа што за многумина сточарството и земјоделството се единствен извор на егзистенција.