СДСМ: Митески и Ѓорѓиевски итно да го решат проблемот со паркирањето во Ново Лисиче

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Митески и Ѓорѓиевски итно да го решат проблемот со паркирањето во Ново Лисиче

31 март 2026

• од Станча Јаќимовски

Опозициската партија СДСМ упати критики до градоначалниците Дејан Митески и Орце Ѓорѓиевски, барајќи итно решавање на проблемот со паркирањето во Ново Лисиче.

Од партијата посочуваат дека наместо најави за нова зона во Ново Лисиче – проект кој, како што велат, бил најавен уште пред четири години – градските власти треба да го одложат стартот на зонското паркирање во Реонски Центар и да обезбедат истовремено воведување на двете зони.

„Тоа е барањето на граѓаните“, наведуваат од СДСМ.

Во соопштението потсетуваат дека Митески во јули минатата година изјавил дека Општина Аеродром веќе изготвила проект и дека се чека одобрување од Град Скопје за синхронизирано воведување на зонското паркирање во Ново Лисиче и во Реонски Центар.

„Граѓаните не забораваат. Истовременото воведување на зонското паркирање е предизборно ветување“, велат од партијата.

Од СДСМ предупредуваат дека трпението на жителите на Ново Лисиче е при крај и дека наместо препукувања за надлежности, надлежните институции треба да седнат и да донесат заедничко решение.

„Парцијалното воведување на зонско паркирање прво во Реонски Центар ќе предизвика дополнителен хаос во Ново Лисиче. Тоа и Митески и Ѓорѓиевски многу добро го знаат“, се наведува во реакцијата.

Партијата додава дека одложувањето на решението го зголемува револтот кај жителите и предупредува дека доколку не се преземат итни чекори, локалните власти ќе се соочат со незадоволството на граѓаните.

„Го повикуваме Дејан Митески да закаже итна седница на Советот на Општина Аеродром и заедно со Орце Ѓорѓиевски да го решат проблемот што самите го создадоа“, порачуваат од СДСМ.