СДСМ: Спиралата на поскапувања е активирана, без намалување на ДДВ на храната цените ќе продолжат да растат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Спиралата на поскапувања е активирана, без намалување на ДДВ на храната цените ќе продолжат да растат

23 март 2026

• од Станча Јаќимовски

Ценовната спирала во државата веќе е активирана и граѓаните секојдневно ги чувствуваат последиците врз сопствениот животен стандард. Зголемувањето на цените на горивата директно се прелеа врз цените на основните прехранбени производи, што дополнително го оптоварува семејниот буџет.

Во моментов, цените на клучните производи достигнуваат алармантни нивоа – маслото за јадење веќе надминува 100 денари, јајцата се продаваат над 300 денари, додека овошјето и зеленчукот во голем дел од маркетите се со цени над 100 денари за килограм. Ова, за жал, е само почеток, бидејќи искуството покажува дека еднаш зголемените цени ретко се враќаат назад.

Дополнително загрижува фактот што Владата предводена од Мицкоски во изминатите три недели не презеде никакви навремени мерки. Во меѓувреме, цената на горивата се зголеми за 21 денар, што директно ја поттикна спиралата на поскапувања. Според најавите, се очекува и ново зголемување од 4 до 6 денари, што ќе создаде нов притисок врз цените.

Половичната и задоцнета мерка за намалување на ДДВ на горивата не нуди вистинско олеснување за граѓаните. Наместо тоа, потребни се суштински и навремени решенија кои ќе имаат реален ефект врз животниот стандард.

Особено загрижува отсуството на било каква политика за стабилизација на цените на храната. Без укинување или значително намалување на ДДВ на основните прехранбени производи, трендот на раст на цените ќе продолжи, а животниот стандард ќе продолжи да опаѓа.

Владата, наместо да преземе конкретни чекори, избегнува мерки кои би донеле вистинско олеснување за граѓаните – како воведување на 0% ДДВ за храната и намалување на акцизите. Со тоа се остава простор за дополнителни профити кај одредени бизнис структури, додека товарот паѓа исклучиво врз граѓаните.

СДСМ предупредува дека без итна интервенција во делот на цените на храната, економската состојба ќе се влошува. Затоа, неопходно е Владата веднаш да ги прифати предложените мерки за укинување на ДДВ на храната и да преземе конкретни чекори за заштита на животниот стандард на граѓаните.

Соопштение за јавност на СДСМ