СДСМ: Владата ја доведе државата во изолација, транспортните компании се селат надвор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Владата ја доведе државата во изолација, транспортните компании се селат надвор

17 февруари 2026

• од Гоце Кически

ГЕВГЕЛИЈА – Претседателот на СДСМ, д-р Венко Филипче, ја обвини Владата дека не го решила проблемот со транспортниот сектор и дека државата се соочува со економски последици и политичка изолација. Изјавите беа дадени на средба со Општинската организација на СДСМ во Гевгелија.

Филипче посочи дека, иако вицепремиерот Александар Николовски претходно уверувал дека прашањето со транспортерите е затворено по разговори со Европската Унија, ситуацијата на терен покажува поинаку. Според него, дел од домашните компании веќе започнале да се пререгистрираат во соседни земји.

„Гледате како излажа вицепремиерот Николовски за транспортерите. Што велеше – не се секирајте, завршен е проблемот… Еве, не е така. Зборувавме со неколку компании. Веќе се селат во Бугарија и во Хрватска“, изјави Филипче.

Тој праша дали Николовски ќе понесе одговорност за, како што рече, неточните тврдења.

Обвинувања за економска штета и изолација

Во своето обраќање, лидерот на СДСМ оцени дека актуелната влада предводена од ВМРО-ДПМНЕ ја довела земјата во состојба на изолација без јасна стратегија за напредок, што, според него, има сериозни последици врз економијата и бизнис-заедницата.

Филипче тврдеше дека ветувањата за подобра преговарачка позиција со Европската Унија не се реализирале и дека европскиот пат на државата е фактички закочен.

„Ништо од тоа. Ние сме изолирани… Нема план како напред“, рече тој, додавајќи дека граѓаните не дале поддршка за запирање на евроинтеграциите.

Критики кон премиерот

Филипче упати директни критики кон премиерот Христијан Мицкоски, оценувајќи дека нема право „ни морално ни политички“ да ја држи земјата изолирана и да ја загрозува иднината на граѓаните.

Тој, исто така, изнесе тврдења за постоење на медиумска мрежа што, според него, шири антиевропски и проруски наративи и има влијание врз дел од медиумскиот простор во земјата.