Северна Македонија со најниска минимална плата во поранешна Југославија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Северна Македонија со најниска минимална плата во поранешна Југославија

24 јули 2025

• од Станча Јаќимовски

Северна Македонија се наоѓа на дното на листата по висина на минималната плата меѓу земјите од поранешна СФР Југославија, покажуваат најновите податоци објавени од српскиот портал „Нова економија“. Според анализата, нето-минималната плата во Македонија изнесува 395 евра, што е речиси 600 евра помалку од највисоката во регионот – онаа во Словенија.

Големи разлики меѓу земјите од поранешна СФРЈ

Словенија предничи со највисока минимална плата во регионот. Од јануари 2025 година, минималната бруто плата таму е 1.278 евра, а нето износот се движи меѓу 900 и 930 евра. Истовремено, просечната нето плата во Словенија во мај достигнала 1.592 евра, што претставува зголемување од 5,2% во однос на истиот месец минатата година.

Во Хрватска, од почетокот на годинава, минималната бруто плата изнесува 970 евра, што во нето износ значи нешто повеќе од 750 евра. Просечната плата, пак, се движи меѓу 1.390 и 1.450 евра.

Во Србија, според последната одлука на Социјално-економскиот совет, од октомври минималната плата ќе биде 58.630 динари, односно околу 500 евра. Плановите се до 2028 година таа да достигне 650 евра, но и тогаш би останала под нивото на економски посилните држави во регионот.

Црна Гора моментално има минимална плата од 450 евра, а просечната плата во земјата изнесува 1.062 евра, според податоците на Управата за статистика.

Во Босна и Херцеговина, минималната плата е 1.000 конвертибилни марки, што е приближно 511 евра. Просечната нето плата во април изнесувала околу 790 евра.

Македонија останува последна

Во споредба со сите овие земји, Македонија останува со најниска минимална плата. Иако бруто износот изнесува 584,5 евра, работниците на минималец добиваат само 395 евра нето. И додека останатите земји бележат раст на платите и најавуваат нови покачувања, Македонија и понатаму заостанува, без конкретни најави за позначајни економски реформи или раст на минималецот.

Овие податоци повторно го отвораат прашањето за стандардот на живеење во земјата и потребата од итни економски мерки за подобрување на благосостојбата на македонските граѓани.