25 февруари 2026
• од Станча Јаќимовски
Тирана е градот со највисоко ниво на загадување меѓу 26 европски градови анализирани од меѓународната платформа Numbeo. Според објавениот индекс, албанската престолнина се наоѓа на првото место со 87,0 поени – највисока вредност во целата споредба.
Веднаш по неа се рангира Скопје со 82,2 поени, додека третото место го зазема Неапол со 77,9 поени. На листата следуваат Белград (68,7), Милано (67,9) и Торино (66,6), кои исто така бележат високи нивоа на загадување, но значително пониски од оние во Тирана.
Кога споредбата се проширува, разликите стануваат уште поочигледни. Сараево има индекс од 65,2 поени, Барселона 63,1, додека Атина и Солун се рангирани со 55,5 и 54,2 поени.
И градови од регионот како Нови Сад (53,4) и Бања Лука (56,1) покажуваат подобри показатели.
Контрастот е уште поизразен со градовите од Западна Европа. Рим има индекс од 48,1, Мадрид 37,9, Лисабон 37,7, додека Загреб само 35,5 поени.
На дното од листата се градовите со најниско ниво на загадување: Валенсија (24,4), Порто (24,5), Сплит (27,6) и Љубљана со 23,8 поени – речиси четири пати помалку од Тирана.
Високиот индекс на загадување во Тирана се поврзува со повеќе фактори што го следеа интензивниот урбан развој во изминатите години. Зголемувањето на бројот на возила, од кои значителен дел се половни и со пониски еколошки стандарди, директно влијае врз влошувањето на квалитетот на воздухот.
Паралелно со тоа, интензивната градба, густ сообраќај и релативниот недостиг од зелени површини во однос на густината на населението дополнително го зголемуваат притисокот врз урбаната средина. Во последните две децении, Тирана се трансформираше во главен економски центар на земјата, што доведе до раст на населението и значително проширување на изградените површини.
Податокот од 87,0 поени ја позиционира Тирана како град со сериозни еколошки предизвици, особено кога се споредува со европски метрополи со далеку поголема популација и економска активност. Индексот јасно укажува на јазот меѓу динамиката на урбаниот развој и капацитетот за управување со неговото влијание врз животната средина.
Бугарија меѓу водечките дестинации за германски инвестиции во Југоисточна Европа
Ненадминливи Понуди Дневно
4.8 (10276 рецензии)
Заштедете 152.00 ден

