Снопче: Предлогот за јавен обвинител е продолжение на нефункционален систем

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Снопче: Предлогот за јавен обвинител е продолжение на нефункционален систем

19 март 2026

• од Станча Јаќимовски

Алијансата за Албанците оценува дека предлогот за нов јавен обвинител претставува уште едно „дежа ви“ и продолжување на веќе воспоставената практика на функционирање на правосудниот систем во земјата, кој, според нив, со години не покажува суштински резултати. Од партијата посочуваат дека, и покрај промените на власта, правдата останува непроменета и неуспешна во справувањето со криминалот и корупцијата.

Пратеникот Халил Снопче нагласува дека досегашните искуства, вклучително и работењето на Специјалното јавно обвинителство, покажале сериозни слабости, што довело до пад на довербата кај граѓаните. Според него, јавноста денес има малку надеж дека новото именување ќе донесе вистински пресврт во функционирањето на правниот систем.

Снопче предупредува дека постои реален ризик новиот јавен обвинител да биде под политичко влијание, што би ја довело во прашање неговата независност и објективност во постапувањето. Тој дополнително укажува дека обвинителството во минатото не успеало да се справи со чувствителни случаи и често останувало пасивно пред, како што вели, политички монтирани процеси, меѓу кои ги споменува случаите „Монструм“ и „Алфа“.

Од Алијансата за Албанците потенцираат дека без длабоки и суштински реформи во правосудството, како и без гарантирање на целосна независност на институциите, граѓаните ќе продолжат да се соочуваат со селективна правда и ниско ниво на доверба во системот. Според нив, вистинските промени не зависат само од кадровски решенија, туку од целосна трансформација на начинот на кој функционира правдата во државата.