Започна судењето против Стојанче Јовановски за трагичната смрт на сопругата и детето

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Започна судењето против Стојанче Јовановски за трагичната смрт на сопругата и детето

30 март 2026

• од Станча Јаќимовски

Во Основниот кривичен суд во Скопје денеска започна судскиот процес против Стојанче Јовановски, кој се товари за повеќе кривични дела поврзани со трагичниот настан од 2 март, кога неговата сопруга Ивана Јовановска и нивната шестгодишна ќерка го загубија животот.

Судењето го води судијата Ивица Стефановски, познат во јавноста по постапување во случаи од висок профил.

Според обвинението на Јавното обвинителство, Јовановски се товари за телесна повреда како продолжено кривично дело во рамки на семејно насилство, загрозување на сигурноста, како и за поттикнување и помагање во самоубиство.

Од прибраните докази произлегува дека во периодот од 2019 година до денот на трагедијата, обвинетиот континуирано вршел физичко и психичко насилство врз својата сопруга, со која бил во постапка за развод. Таа, како и други сведоци, во повеќе наврати ги пријавувале инцидентите во надлежните институции. Обвинителството нагласува дека насилството значително се интензивирало во текот на 2025 и 2026 година.

На денот на трагедијата, според обвинението, Јовановски најпрво ѝ се заканувал и физички ја нападнал во близина на нејзиното работно место, по што продолжил со закани по нејзиниот живот додека се движеле со автомобил кон судот. Во близина на судската зграда, повторно ја нападнал, нанесувајќи ѝ видливи телесни повреди.

Подоцна, откако ја земале ќерката од училиште, се упатиле кон нивниот дом. Додека обвинетиот останал пред зградата, Јовановска се заклучила во станот заедно со детето.

Според обвинителниот акт, во состојба на тешка психичка вознемиреност, страв и чувство на безизлезност, таа скокнала од балконот на станот кој се наоѓал на шести кат, заедно со својата ќерка.

Овој случај предизвика силни реакции во јавноста и отвори сериозни прашања за ефикасноста на институционалната заштита на жртвите на семејно насилство, како и за навременото постапување по пријавите. Судењето се очекува да даде одговори за одговорноста, но и да поттикне поширока дебата за системските пропусти и потребата од поефикасна превенција.