Скандал во македонскиот женски фудбал: Фудбалерките на Љуботен го напуштија теренот по поништен гол

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Скандал во македонскиот женски фудбал: Фудбалерките на Љуботен го напуштија теренот по поништен гол

12 март 2026

• од Станча Јаќимовски

Дерби натпреварот во женскиот фудбал меѓу АСС Јунајтед и Љуботен заврши со скандалозна сцена и предвремен прекин, откако фудбалерките на тетовскиот клуб решија да го напуштат теренот во самиот финиш од средбата.

Инцидентот се случил на стадионот во Струга, кога судиската тројка поништи гол постигнат од гостинките од Тетово. Според фудбалерките на Љуботен, погодокот требало да биде признат, а одлуката на судијата ја сметаа за неправедна и штетна за нивниот тим. Како знак на протест, тие одлучиле да го прекинат настапот и да го напуштат теренот.

Дополнителна тензија предизвика фактот што ова бил втор поништен гол за Љуботен на истиот натпревар, што уште повеќе ги засили незадоволството и реакциите од тетовскиот тим.

По ваквиот развој на настаните, натпреварот не беше доигран, а сега на потег се надлежните органи на Фудбалската федерација на Македонија, кои треба да донесат одлука за тоа како ќе се третира прекинатиот натпревар и дали ќе има дополнителни санкции.

Главен судија на средбата беше Вјолца Изеири, додека помошници беа Филип Ицковски и Мартин Петковски. Случајот веќе предизвика реакции во спортската јавност, која очекува брза и јасна одлука од федерацијата.