ЕУ со „непоколеблива“ реакција на плановите на Трамп за Гренланд

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕУ со „непоколеблива“ реакција на плановите на Трамп за Гренланд

21 јануари 2026

• од Станча Јаќимовски

Европските лидери повлекоа јасна црвена линија во однос на Гренланд, најавувајќи „непоколеблива“ реакција на заканите што доаѓаат од Вашингтон, откако американскиот претседател Доналд Трамп изјави дека е подготвен да разговара во Давос за своите планови да ја преземе контролата врз автономната данска територија, пренесува АФП.

Запрашан неколку часа пред поаѓањето кон Давос, каде што се одржува годишниот Светски економски форум, до каде е подготвен да оди, Трамп одговори кратко: „Ќе видите“.

„Имаме закажано многу состаноци поврзани со Гренланд и мислам дека работите ќе се развиваат прилично добро“, им изјави тој на новинарите, осврнувајќи се на разговорите што ги планира во Давос.

Лидерите собрани на форумот во швајцарското скијачко одморалиште зазедоа заеднички став против сè поагресивната политика „Америка на прво место“, додека премиерот на Гренланд предупреди дека малобројното население од околу 57.000 жители мора да биде подготвено и за можноста од воена агресија.

Претседателката на Европската комисија, Урсула фон дер Лајен, ја предводи европската реакција, предупредувајќи дека ваквите потези на Трамп ризикуваат да ги вовлечат односите меѓу САД и Европската унија во „надолна спирала“.

Францускиот претседател Емануел Макрон предупреди против обидите на САД да ја „потчинат Европа“ и остро ги оцени како „неприфатливи“ заканите на Трамп за воведување царини до 25 отсто за земјите што ќе се спротивстават на неговите планови за Гренланд.

Претходно, Трамп инсистираше дека Гренланд е клучен за безбедноста на САД. „Нема враќање назад – за ова сите се согласуваат!“, напиша тој на својата платформа Truth Social.

Американскиот претседател, кој треба да им се обрати на учесниците на годишната средба на светските елити, повторно го стави на тест трансатлантскиот сојуз со своето барање САД да преземат контрола врз Гренланд.