Интронизацијата на Папата Лав XIV ќе се одржи на 18 мај

Светиот Престол го објави официјалниот распоред на новоизбраниот Папа Лав XIV, вклучително и Мисата на Интронизацијата, со која официјално ќе започне неговиот понтификат. Свечената миса ќе се одржи во недела, на 18 мај, во 10 часот по локално време во Рим, на плоштадот Свети Петар.

Три недели на значајни настани

Распоредот на Папата Лав XIV вклучува низа важни средби и литургиски чествувања во првите недели од неговиот понтификат:

• 10 мај, сабота – Средба со кардиналите
• 11 мај, недела – Молитва Regina Caeli од Централната ложа на базиликата Свети Петар
• 12 мај, понеделник – Средба со меѓународниот печат
• 16 мај, петок – Средба со дипломатскиот кор (шефови на мисија)
• 18 мај, недела – 10:00 часот, Плоштад Свети Петар: Миса за почетокот на понтификатот
• 20 мај, вторник – Преземање на Папската базилика Свети Павле надвор од ѕидините
• 21 мај, среда – Првата Општа аудиенција
• 24 мај, сабота – Средба со Римската курија и вработените во Ватиканската држава
• 25 мај, недела –
• • Regina Caeli
  • Преземање на Папската базилика Свети Јован Латерански
  • Преземање на Папската базилика Света Марија Велика

Во дополнително соопштение, Прес-службата на Светиот Престол го пренесе изразот на желба на Светиот Отец дека „Шефовите и членовите на институциите на Римската курија, како и секретарите и претседателот на Понтификалната комисија за Ватиканската држава, ќе продолжат привремено со своите должности donec aliter provideatur (додека не биде поинаку определено).“

Папата Лав XIV, сепак, ја задржува потребата за „известен период на размислување, молитва и дијалог“ пред да донесе какви било „дефинитивни назначувања или потврдувања“.