Првата седница на бугарскиот парламент ќе се одржи во среда
Претседателот на Бугарија Румен Радев донесе указ за свикување на првата седница на новоизбраниот состав на бугарскиот парламент, јавува БГНЕС. Бугарските пратеници ќе влезат во пленарната сала во 9:00 часот на 19 јуни, среда.
БГНЕС потсетува дека во новиот парламент ГЕРБ-СДС ќе има 68 народни пратеници. Групата на ДПС ќе ја сочинуваат 47 пратеници. Коалицијата „Продолжуваме со промените – Демократска Бугарија“ има 39 пратеници, „Вазраждане“ – 38. Левицата ќе ја претставуваат 19 народни пратеници, „Има таков народ“ ќе биде со 16 пратеници, а најновата и најмалата партија – „Величие“ ќе има 13 пратеници.