14 март 2026
• од Станча Јаќимовски
Соединетите Американски Држави нудат награда до 10 милиони долари за информации поврзани со Мојтаба Хаменеи, син на иранскиот врховен лидер, како и за други високи функционери на иранскиот режим, објави агенцијата АФП.
Во соопштение објавено од Службата за дипломатска безбедност при Стејт департментот на САД се наведува список на лица кои се бараат. Меѓу нив се Мојтаба Хаменеи, Али Асгар Хеџази – заменик-шеф на кабинетот на неговиот убиен татко, како и високиот безбедносен функционер Али Лариџани.
На списокот се наоѓаат и други влијателни личности, меѓу кои Јахја Рахим Сафави, висок воен советник на врховниот лидер, министерот за внатрешни работи Ескандар Момени и министерот за разузнавање Есмаил Хатиб.
Во објавата се спомнуваат и четири позиции без конкретно наведени имиња: секретарот на Врховниот совет за одбрана, шефот на воената канцеларија на врховниот лидер, главниот командант на Корпусот на исламската револуционерна гарда и советникот на врховниот лидер на Иран.
Според текстот на соопштението, овие лица се опишани како клучни лидери кои учествуваат во командувањето и раководењето со различни гранки на Исламската револуционерна гарда. Се наведува дека тие се одговорни за планирање, организирање и спроведување операции на глобално ниво.
Програмата „Награди за правда“ (Rewards for Justice) истакнува дека лица кои поседуваат информации за овие функционери, за високи команданти или за нивните поврзани мрежи, можат да стапат во контакт преку платформи за криптирани пораки или преку комуникациски канал базиран на мрежата Tor.
Во објавата се нагласува дека релевантни информации може да доведат до награда во износ до 10 милиони долари.
Филипче: Мицкоски е чувар на столчето за враќање на вистинскиот шеф – Груевски
Ненадминливи Понуди Дневно
4.8 (10276 рецензии)
Заштедете 152.00 ден

