Володимир Зеленски: Путин веќе ја започна Третата светска војна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Володимир Зеленски: Путин веќе ја започна Третата светска војна

23 февруари 2026

• од Станча Јаќимовски

Украинскиот претседател Володимир Зеленски изјави дека рускиот претседател Владимир Путин веќе ја започнал Третата светска војна, нагласувајќи дека руската агресија не е само регионален конфликт, туку обид за промена на глобалниот поредок.

Во интервју за BBC, Зеленски истакна дека Кремљ има амбиција да наметне поинаков начин на живот на светот и да го промени општествениот и политичкиот систем што луѓето слободно го избрале.

Нема отстапување на територии

Зеленски повтори дека предавањето на украински територии на Русија би значело слабеење на позицијата на Украина и би претставувало само привремено задоволување на амбициите на Путин.

„Според мое мислење, тој би можел да се опорави за не повеќе од неколку години“, изјави Зеленски, додавајќи дека верува оти рускиот лидер има намера да ја продолжи војната.

Иако призна дека Украина во моментов нема доволно сила да ги врати сите окупирани територии, претседателот потенцираше дека борбата за „правда“ и за враќање на границите од 1991 година останува стратешка цел на државата.

Односите со САД и долгорочни гаранции

На прашањето дали може да има доверба во претседателот на САД, Доналд Трамп, Зеленски истакна дека Украина мора да одржува стабилни и конструктивни односи со Соединетите Американски Држави, без оглед на тоа која администрација е на власт.

Тој подвлече дека Украина бара долгорочни безбедносни гаранции, дури и за период од 30 години.

„Политичките елити ќе се менуваат, лидерите ќе се менуваат“, објасни Зеленски, нагласувајќи ја потребата од континуирана меѓународна поддршка и стабилни сојузништва во услови на продолжена воена закана.